kuri uyu wa Kabiri tariki 1 Ukuboza 2020 Polisi ya Uganda yarashe imyuka iryana mu maso ivanze n’amasasu mu kivunge cy’abashyigikiye Bobi Wine wagombaga kwiyamamariza mu gace ka Kayunga.
Inkuru ya Chimprepors ivuga ko Polisi yafunze umuhanda werekeza mu gace ka Kayunga aho Robert Kyagulanyi yagombaga kwiyamamariza, abayoboke be bagahita batangiza imirwano. Polisi yahise itangira kurasa imyuka iryana mu maso ivanze n’amasasu, abaturage baturiye ako gace bahita bahunga iyo myigaragambyo yri ikomeye cyane.
Umupolisi ushinzwe kurinda Bobi wine yakomerekeye muri izo mvururu.
Inshuti ya hafi ya Bobi Wine akaba n’umwe mu batunganya umuziki muri sitidiyo ya Bobi Wine, Dan Magic ni umwe mu bakomerekeye muri izi mvururu zabashyamiranije na Polisi. Mu bandi bakomereyekeye muri aya makimbirane harimo n’umuplosi ushinzwe ibikorwa by’umutekano wa Bobi Wine abo bose bahise bajyanwa mu bitaro n’imbangukiragutaba.
Kugeza ubwo Bobi Wine n’abayoboke be baraswaga na Polisi, abayoboke be bakomeje guhangana na Polisi kugeza ubwo hitabajwe ingabo za Uganda mu gutanga ubufasha kugira ngo bahoshe izo mvururu.
Bateye ibyuka biryana mu maso mu mihanda kugira ngo batatanye abayoboke ba Bobi Wine.
Kuva kuwa 10 Ugushyingo 2020 ibikorwa byo kwiyamamaza ku bakandida bahatanira kuyobora Uganda byatangira, abatari bake bamaze kugwa mu bikorwa bibahanganisha na polisi iba ibashinja kurenga ku mabwiriza yo guhangana n’icyorezo cya Covid-19.
