Ubushinwa bwatanze impuruza ko muri Kazakhstan hari ikindi cyorezo cy’ibicurane biri kwica kurusha COVID-19

Impuruza ya Leta y’Ubushinwa ivuga ko muri Kazakhstan hari icyorezo cy’ibicurane kitaramenyekana izina ariko gifite ubukana bwo kwica kurusha COVID-19, Ambasade y’Ubushinwa muri uki gihugu, ejo yabwiye abaturage bayo ko bagomba kwirinda bafata ingamba zisa n’izikoreshwa mu kwirinda COVID-19 ko iki cyorezo kimaze kuhica abasaga 1700.

Abashinzwe ubuzima muri Kazakhstan bahise batangira ubushakashatsi kuri ibi bicurane ari ntibarabasha gutahura imiterere yabyo, imibare yiyongereye cyane mu gihugu hose guhera ku wa 29 Gicurasi kugeza ku wa 5 Kamena muri aka gahe gato habonetse abantu 32,000 banduye ibi bicurane muri bo 451 byarabahitanye, Ambasade igatangaza ko hamwe nahamwe abayobozi muri iki gihugu badatangaza imibare yose.

Ku rundi ruhanmde Leta ya Kazakhstan iranyomoza Ubushinwa buvuga ko iki cyorezo kitazwi, Minisitiri w’Ubuzima akaba yabwiye itangazamakuru ko ibyo bicurane atari bishya.

Yakomeje avuga ko kwemeza ko ari ibicurane bitazwi byakurikiza amabwiriza y’Ishami ry’Umuryango w’Abibumbye ryita ku Buzima aho gushingira ku bizamini bya Laboratoire.