Tanasha Donna umaze kumera nk’aho ashize impumu n’uburakari yari afitiye Diamond Platnumz wahoze ari umugabo we banafitanye umwana umwe.
Yatanze ikiganiro n’umunyamakuru ku rukundo nyarwo yakundanye na Diamond no gutandukana kwakurikiyeho kukaba ikimenyabose.
Gusa uyu muhanzi wo muri Tanzaniya we, ntiyigeza agira icyo atangaza kuri iki kibazo, kugeza ubu ntawe ujya umenya icyo abitekerezaho binyuze mu buryo buzwi.
Tanasha Donna mu kiganiro n’umunyamakuru Lynn Ngugi w’ikinyamakuru cyamamaza cyo muri Kenya kitwa TUKO, bagiranye ikiganiro kisanzuye ku bintu byinshi, birimo iterambere ry’umuziki we, muri ubwo bwisanzure yagize ati “Arikooo! Nzi icyayi nshaka, ndashaka icyayi cya Platnumz”.
Ashimangira ko mu by’ukuri yakundaga by’agahebuzo Diamond.
Ati “Mu by’ukuri naramukunze byimazeyo, nawe arabizi, nari umwizerwa kuri we, nawe kandi agakunda kubivuga, yafataga telefone yanjye akayinyuramo nta kibazo, yakundaga nawe ubwe kubyivugisha, arabizi ko nari umwizerwa ndatekereza ko iyo mba ntamukunda sinari kumubera indahemuka”
Yongeraho ati “Uyu ni umugabo nzahora nkunda uko byaba kose, ni umugabo mwiza byimbitse, ariko ku iherezo ntituri kumwe, ni se w’umuhungu wanjye, ntituri mu rukundo ibyo byaratambutse”
Uyu munyamakuru amubajije ku ntsinzi y’indirimo ze ubwo yari akiri mu rukundo na se w’umwana, Tanasha yasubije ko ibyo yamukoreye byose byamuteye imbaraga.
Ati “Diamond yagize uruhare mu kuzamura imibare yanjye mu gihe gito cyane kubera ko namukundaga, ariko yagaragara mu mashusho cyangwa atarimo nanjye narinzi intego yanjye, kuva kera narinzi icyo nshaka kugeraho, nari nsanzwe mpagaze neza mu ruhando rw’umuziki”
Akomeza avuga ko atinjiye mu rukundo na Diamond kugira ngo amuzamukireho agere mu bushorishori ko ahubwo nawe yari asanzwe mu muziki.
Ati:” Sinahwemye kurwanya ko umubano wacu ujya ahagaragara, iyo nzakuba aribyo ngamije mba narabikoze guhera ku munsi wa mbere”
