Nyuma y’itangazo twabagejejeho ku wa 11 Mata 2020, ryatanzwe na Koperative Umurenge Sacco Gahengeri, aho yamenyeshaga abanyamuryango bayo italiki ya 20/4/2020 nk’italiki ntarengwa yo kwishyura inguzanyo bahawe, iri tangazo kandi ryakomezaga rivuga ko ku banyamuryango bafite Umwenda batari kwishyura bitewe n’ingaruka z’icyorezo covid-19 cyatumye imishinga yabo ihagarara basabwa kwihutira kubimenyesha Ubuyobozi bwa Sacco munyandiko igaragaza impamvu itera kutishyura, Ubuyobozi bwa Sangwa SACCO Gahengeri burabashimira.
Mu by’ukuri rero hari abanyamuryango bitabiriye iki gikorwa akaba ari muri urwo rwego Ubuyobozi bwa Sangwa SACCO Gahengeri bushimira abanyamuryango bayo bateye intambwe bakimara kuryumva, kubabonye ubushobozi bakihutira kwishyura, abatarabubonye nabo kandi bihutiye kwegera Koperative kugira ngo bagire ibyo bumvikanaho bikomoka ku ngaruka za COVID-19.
Ubuyobozi bwa SACCO kandi burakomeza gukangurira abanyamuryango bacikanwe bakaba bataragera ku Murenge SACCO Gahengeri kugira ngo bagaragaze imbogamizi bahuye nazo ngo banumvikane n’ubuyobozi ku cyakorwa muri iki gihe haba muguhindurirwa amasezerano cyangwa gukurirwaho ibihano by’ubukererwe ku mwenda watinze kwishyurwa ko bajyayo vuba kugirango bakomeze gufatanyiriza hamwe ingamba zo gushyigikira Koperative yabo.
Ubuyobozi bwa Koperative Sacco Sangwa Gahengeri.
