Gari ya moshi 10 zihuta kurusha izindi ku isi (AMAFOTO)

Birumvikana ko nubwo gari ya moshi yihuta idashobora kuguruka hejuru y’inyanja nk’ indege. Ariko ibyo ntibisobanura ko nayo idakoresha umuvuduko wo hejuru utatinya kugereranya n’uw’ indege. Muri iki kinyejana aho tekinologi igenda ihindura ibintu hari gari ya moshi zakozwe zihabwa ubushobozi bwo kunyaruka ku muvuduko nk’uw’indege.

Kuri uru rutonde turakugezaho ubwoko bwa gari ya moshi icumi zihuta kurusha izindi ku isi.

10. THSR 700T (Tayiwani)

THSR 700T ubu bwoko bwa gare ya moshi ni iyo mu gihugu cya Tayiwani. Yatangiye ingendo zayo ku ya 5 Mutarama 2007 hagati y’Umujyi wa Taipei na Kaohsiung. Iri Ku muvuduko wo hejuru wa 186.4 mph (urugero bapimamo umuvuduko wa gari ya moshi), THSR 700T yishimirwa na beshi bitewe n’umuvuduko wayo igabanya igihe cy’urugendo hagati y’iyi mijyi kuva amasaha ane n’igice kugeza ku minota 90 gusa.

Iyi Gari ya moshi 700T yukorewe mu Buyapani n’urugaga rw’amasosiyete atatu akomeye mubyo gukora gari ya moshi, Nippon Sharyo, na Hitachi. 

ETR 500 Frecciarossa ni serivisi ya gari ya moshi yihuta mu Butaliyani, ikorwa na sosiyete ya Trenitalia. Gari ya moshi ya Frecciarossa ifite umuvuduko ntarengwa wa 186.4 mph. Iyi serivisi ikora hagati yinzira ya Milan-Rome-Naples.

Gari ya moshi ya Frecciarossa ni verisiyo igezweho ya ETR 500 yo mu Butaliyani yihuta, yubatswe na consortium ya AnsaldoBreda, Bombardier, hamwe n’amasosiyete akora inganda za Alstom.

8. SNCF TGV Duplex (Ubufaransa)

TGV duplex ni serivisi ya gari ya moshi yihuta mu Bufaransa. Iyi gari ya moshi irakomeye ishobora kugenda ku muvuduko wa 198.8 mph.TGV duplex yatangiye serivisi mu Kuboza 2011.

Ni gare ya moshi yihuta ku kigero cyo hejuru ihuza imigi minini yose yo mu Bufaransa. Ni imwe muri gari ya moshi nziza z’i Burayi zifite ubushobozi bwo kwicaza abantu bagera kuri 508. Sosiyete ikora Alstom niyo yubatse iyi gari ya moshi ya TGV. Bakoresheje aluminiyumu kugirango bagabanye ibiro byayo. 

7. Alstom Euroduplex (Ubufaransa)

Gari ya moshi ya Euroduplex ni uruhererekane rwa gatatu rwa TGV duplex yihuta, ifite umuvuduko kugeza kuri 198.8 mph, yatangiye serivisi mu Kuboza 2011. Itwara abagenzi barenga 1020 icyarimwe.

6. E5 Serie Shinkansen (Ubuyapani)

E5 serie Shinkansen ni gari ya moshi yihuta mu Buyapani muri iki gihe. Iyi gari ya moshi yatangiye ku ya 5 Werurwe 2011 kandi ikorwa na sosiyete ya gari ya moshi y’Uburasirazuba bw’Ubuyapani. Gari ya moshi ya E5 ikora hagati ya Tokiyo na Aomori. Ku muvuduko wo hejuru wa 198.8 mph, ifite ubushobozi bwo gutwara imodoka icumi no kwicaza abantu bagera kuri 731.

5. Talgo 350 (Espanye)

Espagne Talgo 350 ni gari ya moshi yihuta ikoreshwa na Leta. Iyi gari ya moshi inyaruka ku rwego rwo hejuru kugera ku muvuduko ntarengwa wa 217.4 mph. Talgo 350 ikora ingendo hagati y’imijyi ya Madrid na Barcelona.

4. Siemens Velaro E / AVS 103 (Espanye)

Velaro E ni verisiyo yo muri Espagne ya gari ya moshi yihuta cyane yakozwe na sosiyete y’ubwubatsi yo mu Budage Siemens, ikora ingendo zayo hagati ya Barcelona na Madrid. Velaro E ifite umuvuduko wo hejuru wa 250.84 mph. ikaba yaratangiye gukora ingendo mu 2001. 

3. AGV Italo (Ubutaliyani)

AVG Italo ni gari ya moshi yihuta cyane mu Burayi, ifite umuvuduko wa 223,6 mph. Ariko mu gihe cyo kuyipima bwa mbere, muri 2007, yashyizweho umuvuduko wa 356,6 mph. sosiyete ikorera mu Bufaransa Alstom niyo yubatse iyi gari ya moshi mu mwaka wa 2008, kuri miliyoni 650 z’amadolari ya Amerika.

2. Harmony CRH 380A (Ubushinwa)

Gari ya moshi y’Ubushinwa Harmony CRH 380A ni serivisi ya kabiri ku isi ikora cyane kandi yihuta. ikora cyane muri serivisi z’ubucuruzi, ifite umuvuduko wa 236.12 mph. Ariko ikaba yarahawe umuvuduko wa 258.58 mph ntarengwa ikora ingendo zo hagati y’imijyi ya Shangai na Nanjing.

CRH 380A ifite uburemere buke kuko ikozwe muri Aluminium ifite umutwe ukoze nk’uw’ifi ni gari ya Moshi ifite umuvuduko bagereranya nk’uw’indege mu kirere.

1. Shanghai Maglev (Ubushinwa)

Shanghai Maglev ni gari ya moshi yihuta ku isi ifite umuvuduko ntarengwa wa 267.8 mph. Iyi serivisi ikorwa na Shanghai Maglev Transport Development Co Shanghai Maglev ikorera ku murongo wa Shanghai.

Bitandukanye na gari ya moshi zisanzwe, Shanghai Maglev nta ruziga ifite, sosiyete ya Siemens na ThyssenKrupp niyo yubatse Maglev ya Shanghai, ikaba yatangiye ingendo ayo ku ya 1 Mutarama 2004. Ikora hagati y’umuhanda Long Yang n’ikibuga cy’indege mpuzamahanga cya Pudong.

src:wikipedia