Icyorezo cya Coronavirus kiri mu biri kwibasira ubuzima bwa benshi ku Isi, Umugabane wa Afurika nawo ntiworohewe n’iki cyorezo. Facebook yashyizeho uburyo bwo kwagura amahuriro y’amakuru nk’ibyo umuntu yakwita (Ibigo by’amakuru) mu bindi bihugu 17 byo muri Afurika yo munsi y’ubutayu bwa Sahara mu rwego rwo kurwanya amakuru y’ibihuha kuri COVID-19.
Aya mahuriro cyangwa se Ibigo bishinzwe amakuru bigize igice cy’ibikorwa bya Facebook byo gufasha kurwanya COVID-19 ku Isi mu guha abantu amakuru agezweho n’amakuru atangwa n’inzego z’ubuzima zizewe ndetse n’ibikoresho, inama zo gukomeza kugira ubuzima bwiza no gutera inkunga abagizweho n’ingaruka baba abarwaye coronavirus n’abandi.
Ibigo by’amakuru yerekeye aya Covid-19, ni amakuru, atanga umwanya w’ingenzi ku bantu bakomeza kumenyesha ibya Coronavirus harimo ivugurura-nyaryo ryakozwe n’Ubuyobozi bw’Ubuzima bw’Igihugu n’Imiryango Mpuzamahanga nk’Umuryango w’Ubuzima ku Isi, hamwe n’ingingo zifasha, amashusho ndetse n’inyandiko zerekeye intera mbonezamubano no gukumira ikwirakwizwa rya Covid-19.
Mu itangazo ryashyizwe ahagaragara, Facebook yavuze ko abakoresha uru rubuga bashobora guhitamo gukurikira iki kigo kugira ngo babimenyeshe kandi babone amakuru agezweho mu makuru yabo avuye mu nzego z’ubuzima za leta.
Umuyobozi wa Politiki rusange ya Facebook muri Afurika, Kojo Boakye yavuze ko iyi sosiyete yubatse ibigo by’amakuru, ku bufatanye n’abafatanyabikorwa mu buzima bw’igihugu, kugira ngo abantu babashe kubona amakuru aturuka ahantu hizewe h’ubuzima atari ukuyobya abantu ku makuru atizewe babonye ahantu runaka.
KOJO BOAKYE Umuyobozi wa Politiki rusange ya Facebook muri Afurika.
Boakye yagize ati: “Itangizwa ry’ihuriro(Ibigo) ku makuru ya Covid-19 kuri Facebook bizakorwa mu bihugu birenga 17 byo muri Afurika yo munsi y’ubutayu bwa Sahara bihuzwa n’uko twiyemeje gukora amakuru nyayo, ku gihe ku byerekeye icyorezo cya Coronavirus akagera ku baturage bose.”
Iki kigo cyo gutanga amakuru kimaze gutangiza muri Afurika y’Epfo, ubu kizagurwa muri Kenya, Benin, Burkina Faso, Kameruni, Cape Verde, na Tchad. Ibi bibaye nyuma y’iminsi mike ibicuruzwa bya Facebook, WhatsApp itangaje ko izagabanya ubutumwa bwoherejwe kugira ngo ifate ikwirakwizwa ry’amakuru atari yo ya Covid-19.
