Abatavuga rumwe na Leta ya Museveni barasaba imishyikirano

Abatavuga rumwe na Leta muri Uganda bavuga ko biteguye kuganira na perezida Museveni nyuma y’aho uwo mukuru w’igihugu avugiye ko adashaka umuhuza wajya hagati yabo.

Perezida avuga ko ashobora kubonana na bo wenyine akaganira na bo kugira ngo bumvikane kubyo batumvikanaho nta muntu n’umwe avuye hanze ubagiye hagati.

Ayo magambo ya perezida Museveni yavuzwe ho byinshi muri Uganda, kubera nyuma yo kumenya ibyavuye mu matora yo kw’itariki 14 z’ukwezi kwa mbere, abanye politike batavuga rumwe na Leta bavuga ko ayo matora atabaye mu mucyo, n’aho akanama gashinzwe gutegura amatora katemera ibyo bavuga.

Umukuru w’ishyaka ritavuga rumwe na Leta JEEMA , Asumani Basarilwa avuga ko uyu ari wo mwanya nyawo wo kuganira na perezida Museveni.

Naho ishyaka rikomeye ritavuga rumwe na Leta ya Museveni rya bonetse mu matora yo muri uyu mwaka wa 2021, NUP, ryari rihagarariwe mu matora ya Perezida na Robert Kyagulanyi uzwi kw’izina rya Bobi Wine, iryo shyaka ryanze ibyavuye mu matora, bavuga ko bambuwe intsinzi n’akanama gashinzwe gutegura amatora.

Umuvugizi wiryo shyaka Joel Ssenyonyi avuga ko nimba perezida Museveni ashaka kuganira na bo, asaba ko boganira ku neza y’abanyagihugu atari ku neza y’abantu babiri.

Hagati aho, akanama gashinzwe gutegura amatora kamenyesheje imibare ya nyuma yi byavuye mu matora y’umukuru w’igihugu, aho perezida Museveni yabonye amajwi 58.38%, Robert Kyagulanyi w’ishyaka rya NUP wa bonye amajwi 35.08% naho Patrick Amuriat w’ishyaka rya FDC abona amajwi 3.26%.

Salongo Richard